9 Comments:

• எழுதிக்கொள்வது: karthikramas
  
  இந்தச் செய்தியை இங்கு தந்தமைக்கு நன்றி.
  
  30.12.2005 அன்று 18.06 (UTC)மணிக்கு பதிவுசெய்யப்பட்டது.

  By  Anonymous, at Friday, December 30, 2005 11:02:00 PM  




• எழுதிக்கொள்வது: தமிழன்
  
  //30 மைல் கல் தொலைவிலே உள்ள என் சகோதரன் இனப்படுகொலைக்கு ஆளாகிறபோது அதைப் பார்த்துக் கொண்டிருந்தால் நம்மைவிட சோற்றாலடித்த பிண்டங்கள் யாரும் இல்லை //
  
  சிந்திக்கவேண்டியது.
  
  
  30.12.2005 அன்று 22.35 (UTC)மணிக்கு பதிவுசெய்யப்பட்டது.

  By  Anonymous, at Saturday, December 31, 2005 3:38:00 AM  




• இந்தியாவின் தலையீடு நேர்மறையான விளைவுகளை ஏற்படுத்த வேண்டுமேயொழிய, தமிழர்களுக்கெதிரான ஆயுதமாகப் பயன்பட்டுவிடக் கூடாது. இதற்கு இத்தகைய கூட்டு முயற்சிகளும், குரலெழுப்புதல்களும் அவசியம். சம்பந்தப்பட்ட அரசியல்வாதிகளுக்கு நன்றியும் பாராட்டுதல்களும்.

  By  சுந்தரவடிவேல், at Saturday, December 31, 2005 5:14:00 AM  




• எழுதிக்கொள்வது: பிருந்தன்
  
  அருமையான பதிவு, உங்கள் பதிவுக்கு வாழ்த்தும் நன்றியும்.
  
  31.12.2006 அன்று 0.56 (UTC)மணிக்கு பதிவுசெய்யப்பட்டது.

  By  Anonymous, at Saturday, December 31, 2005 5:57:00 AM  




• ஈழத்தமிழர் சிக்கலை இந்திய அரசால் தீர்க்க முடியுமா?
  - எம்.கே.ஈழவேந்தன் எம்.பி.
  
  ஜனாதிபதி மகிந்த ராஜபக்ஷ இந்தியாவுக்கு விஜயம் மேற்கொண்டிருக்கிறார். அவருடன் சென்றிருப்பவர்களில் ஒருவர் வடிவேல் சுரேஷ், இவர் இலங்கைத் தொழிலாளர் காங்கிரஸிலிருந்து சடுதியாகப் பாய்ந்து அரை அமைச்சர் பதவி ஏற்றுள்ளவர்.
  
  இந்தியாவிற்கு எம்மீது பாசம் உண்டா? இல்லையா? என்பது வேறு. ஆனால் இந்தியா பக்கத்து நாடு என்பதையும் தென் ஆசியாவின் பலம் மிக்க ஒரு வல்லரசு என்பதையும் நாம் மறுப்பதற்கில்லை. இந்த அடிப்படையில் இந்தியாவைப் புறக்கணித்து, நல்நோக்கத்தோடு நாம் செயற்பட்டாலும் இந்தியா உதவி செய்ய மறுப்பின் நாம் விரும்பிய பலனைப் பெறமுடியாது என்பதை நாம் மறுப்பதற்கில்லை. இந்தியா உதவி செய்யாது விடினும் ஊறு செய்யாது விட்டாலே எமக்குப் பெரும் ஆறுதல் ஆகும்.
  
  1987 இல் இலங்கை- இந்திய ஒப்பந்தம் உருவாகும் வரையில் ஈழத்தமிழர் பிரச்சினையில் இந்தியா காட்டிய அக்கறை எம் நெஞ்சை நெகிழ வைக்கும் நிகழ்ச்சியாகும். குறிப்பாக ஜே.ஆர்.இங்கு ஆட்சியில் இருந்த காலத்தில் இந்தியாவின் தலைமை அமைச்சராக இருந்த இந்திரா காந்தி ஈழத்தமிழ் மக்கள் மீது காட்டிய அக்கறையை இரக்கத்தை நாம் எளிதில் மறக்க முடியாது.
  
  இந்திரா காந்தியுடன் நாம் உட்பட ஈழத்தமிழ் தலைவர்கள் பலர் நெஞ்சம் கலந்து உரையாடி எம் நிலைமையை விளக்கியுள்ளோம். 1983 ஆம் ஆண்டு ஆகஸ்ட் 19 இல் அவருடன் அரை மணி நேரம் எம் சிக்கலையொட்டி நாம் உரையாடிய போது அவர் எம் பிரச்சினையில் காட்டிய அக்கறை வரலாற்றில் இடம் பெறும் நிகழ்ச்சியாகும். இவை ஒட்டிய விரிவை நாம் பல தடவை எடுத்துக் கூறியுள்ளோம். ஜே.ஆர்.ஜெயவர்த்தன இந்தியாவின் எதிரி என்று நான் இந்திரா காந்தியிடம் அவரைப் பற்றிக் குறிப்பிட்ட போது புன்முறுவல் பூத்த இந்திராகாந்தி அவர்கள் "அவர் இந்தியாவின் எதிரி மட்டுமல்ல இந்திராவின் எதிரியும் தான்" என்று கூறினார். மேலும் அவர் குறிப்பிடுகையில், "உங்கள் பிரச்சினையை நான் நன்கு அறிவேன். நீங்கள் எதிர்நோக்கும் பல பிரச்சினைகளுள் உங்கள் மண்ணில் இருந்து உங்களை வேரோடு சாய்க்கின்ற முறையில், அடுத்தடுத்து ஆட்சிக்கு வந்த சிங்கள அரசுகளின் ஆதரவுடன் நடைபெறும் சிங்களக் குடியேற்றங்களால் ஏற்படுகின்ற ஆபத்துகளை நான் நன்கு அறிவேன்" என்றும் குறிப்பிட்டார். மேலும் "உங்கள் தனிநாட்டுக்கு கோரிக்கையை வெளிப்படையாக என்னால் ஆதரிக்க முடியாது. ஆனால் உங்கள் போராட்டம் தனி நாட்டில்தான் முடிவுறும் எனில் நாம் அதனை எதிர்க்கப் போவதுமில்லை" எனவும் குறிப்பிட்ட அவர் "இணைப்பாட்சியில் தீர்வு காண முனைகிறோம்" என்றும் கூறியதை நாம் இங்கு நினைவு கொள்ள முனைகிறோம்.
  
  இந்த உரையாடலை அடுத்து இந்திரா காந்தி அன்றைய வெளியுறவு அமைச்சர் நரசிம்மராவுடனும் என்னைப் பேசும் படி கூறி அதற்கான ஒழுங்குகளையும் செய்து தந்தார். காலை 7.30 மணியளவில் இந்திரா காந்தியுடன் நடைபெற்ற உரையாடலை அடுத்து பின்னர் நரசிம்மராவுடனான உரையாடல் மு.ப. 11 மணிக்கு அமைந் தது. நரசிம்மாவுடன் உரையாடிய போது அவர் பல சுவையான செய்திகளை எம்முடன் பரிமாறினார். அவற்றுள் இன்றைய சூழ்நிலையில் மிகக் குறிப்பிடத்தக்கது அவர் கூறிய பின் வரும் செய்தியாகும். "நாங்கள் மகாத்மா காந்தியைப் பெரிதாகப் போற்றுகிறோம். ஆனால் இந்திய விடுதலைக்கு மகாத்மா காந்தி போன்று, அவரையும் மிஞ்சுகின்ற அளவிற்கு இந்திய விடுதலைக்காக சுபாஸ் சந்திரபோஷும், பகவத்சிங்கும், கப்பலோட்டிய தமிழர் வ.உ.சியும் ஆற்றிய பங்களிப்பு பெரிது - மறக்க முடியாதது என்றார். அது போன்று இன விடுதலைக்காக உங்கள் போராளிகள் ஆயுதம் தாங்குவதை நான் குற்றமென்று கூறவில்லை. அது தவிர்க்க முடியாதது என்று கூறி அவர் பூத்த புன்முறுவலை நாம் என்றும் மறப்பதற்கில்லை. ஆனால் இதே நரசிம்மராவ் இந்தியத் தலைமை அமைச்சராக இருந்த போது தான் நடுக்கடலில் அமைதிகாக்கும் செய்தியுடன் இலங்கை நோக்கி வருகைதந்த கிட்டுவையும் அவர் தோழர்களையும் தடுத்து நிறுத்தி, தற்கொலை செய்ய வைத்த கொடூர நிகழ்ச்சியை நாம் எளிதில் மறப்பதற்கில்லை. இந்திய நீர் எல்லையிலோ இலங்கை நீர் எல்லையிலோ இல்லாத ஒரு நடுப்பகுதியிற்றான் கிட்டுவின் கப்பல் நின்றது. ஆகவே இந்தியா அவர்களைப் பிடிக்க முனைந்ததும் இதனால் அவர்கள் தற்கொலை செய்ததும் இந்தியாவின் தவறு என்று ஆந்திரா நீதிமன்றம் பின்பு வழங்கிய தீர்ப்பை நாம் இங்கு சுட்டிக் காட்ட விரும்புகிறோம்.
  
  ராஜீவ் காந்தியின்
  
  முரண்பட்ட செயல்கள்
  
  இந்திரா மறைந்த போது எம் தலைவியை இழந்து விட்டோம் என்று தமிழீழம் முழுவதும் கண்ணீர்விட்ட வரலாறு எம் நெஞ்சைவிட்டகலவில்லை. இவரின் மறைவை அடுத்து இவரின் மகன் ராஜீவ் காந்தி ஆட்சி ஏற்ற போது இந்திராவின் மகன் ஈழத்தமிழரின் இன்னல் துடைப்பார் என நாம் எதிர்பார்த்ததற்கு ஏற்ப வடமராட்சியில் சிங்கள இராணுவத்தின் கடும் தாக்குதல் நடைபெற்றபோது அதனைக் கண்டித்ததோடு நில்லாது எம் மக்கள் படும் துயரையும் பட்டினியையும் போக்க வானூர்தியில் உணவுப் பொட்டலம் வீசியதை நாம் நன்றியுணர்வோடு நினைத்துப் பார்க்கிறோம். ஆனால் வழங்கப்பட்ட இந்த உணவுப் பொட்டலம் கோழிக்கு உணவு கொடுத்து அதைக் கழுத்தறுத்த கதையாக மாறியது.
  
  1987 ஜூலை 29 இல் செய்யப்பட்ட இலங்கை- இந்திய ஒப்பந்தம் ஈழத்தமிழ் மக்களின் உணர்வுகளை முற்றிலும் புறக்கணித்து எம்மீது திணிக்கப்பட்ட நிர்ப்பந்தமாக உருவெடுத்து காலப்போக்கில் தீப்பந்தமாகப் பரவி நாம் மிகமிக வருந்தத்தக்க நிலையில் ராஜீவ் காந்தியையும் அத்தீயினுள் அமிழ்த்தியது. இங்கு வருகைதந்த இந்தியப் படையை அமைதிப்படை என்று வர்ணிக்கப்பட்ட போதும் அது அமளிப்படையாக மாறி திலீபனின் சாவிற்கும் குமரப்பா, புலேந்திரன் உட்பட 13 வேங்கைகள் தற்கொலை செய்வதற்கும் தமிழ்ப் பொது மக்கள் ஆயிரக்கணக்கில் உயிரிழப்பதற்கும் உடைமைகளை இழப்பதற்கும் அநாதைகள் ஆக்கப்பட்டதற்கும் காரணமாய் இருந்தது.
  
  இந்த ஒப்பந்தத்தின் முன்னுரையில் இலங்கையின் வட, கிழக்கு மாகாணம் ஈழத்தமிழரின் வரலாற்று அடிப்படையிலான வதிவிடம் என்ற ஒரு சொற்றொடர் மட்டும் எமக்கு ஆறுதல் அளிக்கின்ற கூற்றாக விளங்கியது. ஆனால், நடைமுறையில் மகாவலித்திட்டம் மாதுரு ஓயாத் திட்டம் மணலாறுத் திட்டம் ஆகிய அனைத்திலும் வெளிநாடுகளின் உதவி பெற்று சிங்களவர்களை அரசின் ஆதரவோடு குடியேற்றியதாக மாற்றம் கண்டன. இந்தப் பேரழிவை இந்திய அரசிற்கு நாம் தொடர்ச்சியாக சுட்டிக்காட்டியும் இந்தியா எம்மண்ணைக் காக்க ஒரு துரும்பைக்கூட அசைக்கவில்லை. இவற்றை அடுத்து ஈழத்தமிழ் மக்களுக்கு பேரழிவுகள் அடுத்தடுத்து ஏற்பட்டபோதும் இந்தியா வாய்திறந்து எமக்காக குரலெழுப்பவில்லை. ராஜீவ் காந்தியின் சாகடிப்பை சாட்டாக வைத்து இந்தியா திட்டமிட்ட அமைதியை (குœதஞீடிஞுஞீ குடிடூஞுணஞிஞு) மேற்கொண்டது.
  
  1995 அக்டோபரில் சந்திரிகா தலைமையில் உள்ள ஆட்சியில் அவரின் மாமனார் ரத்வத்தை யாழ்ப்பாணத்தைக் கைப்பற்றுவதாக வெறியாட்டம் ஆடி எம் தந்தையும் தாயும் ஆயிரம் ஆயிரம் ஆண்டுகளாக குலாவி மகிழ்ந்த யாழ்ப்பாண மண்ணில் இருந்து நாம் வெளியேற்றப்பட்ட போது இந்தியா வாய்திறந்து எதுவும் பேசவில்லை. இப்படி பல நிகழ்ச்சிகளை நாம் அடுக்கிக் கொண்டு போகலாம். அகிலம் வியக்கும் ஆனையிறவுத் தாக்குதலை நாம் நடாத்தியபோது ஆயிரக்கணக்கில் சிங்கள இராணுவம் மடிந்தது. ஏறக்குறைய முப்பதினாயிரத்திற்கும் மேற்பட்ட சிங்களப் படையினர் யாழ்ப்பாணத்திற்குள் ஓடிப் பதுங்கினர். நாமோ பெருந்தன்மையோடு ஒன்றும் செய்யாது இவர்களை வெளியேற்றும்படி இந்தியாவிற்கு விடுத்த வேண்டுகோளை நிறைவேற்றுவதாக இந்தியா முதலில் கூறியது. ஆனால், வழமைபோல் இந்தியா செய்த சதியின் விளைவு ஆனையிறவிலிருந்து வெளியேற்றப்பட்ட சிங்கள இராணுவம் உயர்பாதுகாப்பு வலயம் என்ற பெயரில் யாழ்ப்பாணத்தில் வலோத்காரமாகக் குடியேறி எம் மண்ணில் இருந்து எம்மை வோரோடு சாய்க்க சதித்திட்டம் தீட்டுகிறது. இவற்றையெல்லாம் இந்தியா அறிந்த நிலையிலும் எமக்குத் துணை நிற்க மறுக்கிறது. எமக்கு உதவி செய்யாவிடினும் உபத்திரவம் செய்யாதிருக்கலாம். ஆனால், இலங்கை அரசிற்கு இந்தியா ஆயுத உதவி, பலாலி விமான நிலையத்தை விரிவாக்கல் உட்பட அனைத்து உதவிகளையும் வழங்கி எம் மக்களை பூண்டோடு அழிக்கத் துணை நிற்கிறது.
  
  திருமலையில் எண்ணெய்க் குதத்தை இயக்கி மீள சிங்கள அரசுடன் இணைந்து ஈழத்தமிழ் மக்களுக்கு மறைமுகத் தாக்குதலை நடாத்த திட்டமிடுவதை நாம் அறிவோம். இத்தகைய இந்திய அரசு தான் "மகிந்த ராஜபக்ஷ ஆட்சிக்கு வந்து ஒரு மாதம்தான் ஆகி இருக்கிறது ஆகவே பொறுமை காத்திடுக" என இந்தியத் தூதுவர் நிருபமா ராவ் விடுதலைப் புலிகளுக்கு அறிவுரை வழங்குவது பொறுமை காக்கும் எம்மைப் பொங்கியெழ வைக்கிறது.
  
  ராஜபக்ஷ விரிக்கும் வலையில் சிக்குமா இந்தியா?
  
  ரணில் விக்கிரமசிங்க பேரிற்காகவாவது இணைப்பாட்சி பற்றி இயம்பினார். ஆனால், மகிந்த ராஜபக்ஷவோ வெறிகொண்ட ஜே.வி.பி.யுடனும் ஹெல உறுமயவுடனும் இணைந்து ஈழத்தமிழர் சிக்கலை இணைப்பாட்சியின் அடிப்படையில் தீர்க்க முடியாது என்று தனது மகிந்தவின் சிந்தனையில் கூறிய அவர் தொடர்ந்தும் அதே குரலையே எழுப்புகிறார். தமிழன் ஒரு தேசிய இனம் என்பதையும் தமிழரின் தாயகக் கோட்பாட்டையும் ஏற்க மறுக்கிறார். தமிழரின் தன்னுரிமை நிலைநாட்டலையும் ஏற்க மறுக்கிறார். அனைத்தையும் ஒற்றையாட்சிக்குள் தான் தீர்ப்பேன் என அவர் ஓங்கி ஒலிக்கும் குரல் அவர் தமிழினத்தை ஒழித்துக் கட்டும் குரலாகவே விளங்குகிறது. இதையொட்டி, இந்திய அரசு என்ன கூற விரும்புகிறது என்பதை நாம் அறிய விரும்புகிறோம். இந்திய அரசு கிளிப்பிள்ளை சொல்வது போன்று இலங்கையின் ஒருமைப்பாடு பற்றியும் இலங்கையின் ஒற்றுமை பற்றியுமே இலங்கை அரசை மிஞ்சுகின்ற அளவிற்குப் பேசுகிறது. இணைப்பாட்சி பற்றி பெரும் தயக்கத்தோடு பேசுகிறது. ஏதோ அதிகாரப்பரவலைப் பற்றி தெளிவில்லாத நிலையில் குழப்பத்தை உண்டாக்குகின்ற முறையில் இந்திய அரசு பிதற்றுகிறது.
  
  இந்தியாவின் அரசியலில் தலையிடுகின்ற நோக்கம் எமக்கில்லை. இந்தியாவினுடைய அரசியல்யாப்பு எவ்விதம் அமைய வேண்டும் என்றுகூட நாம் அறிவுரை கூற முன்வரவில்லை. ஆனால் இந்தியாவில் இயங்குகின்ற மாநில அரசுகளை மத்திய அரசு தம் விருப்பப்படி பிரிவு 356 ஐ வைத்துக்கொண்டு ஆட்சியைக் கலைக்கின்ற அதிகாரத்தை இலங்கையிலும் நடைமுறைப்படுத்த இலங்கை அரசிற்கு இந்தியா அறிவுரை கூறுமாயின் நாம் இந்தியாவின் இந்த அறிவுரையை எம் அனைத்துப் பலம் கொண்டும் முற்றாக எதிர்ப்போம். நாம் இதுகாலவரையில் மத்திய அரசு தேவையற்ற நிலையில் தலையிடாத பொருள் பொதிந்த இணைப்பாட்சியை நாடி நின்றோம். தந்தை செல்வா இதனையே வலியுறுத்தினார். முற்றாக ஏமாற்றப்பட்ட நிலையில் 1976 நவம்பர் 19 இல் பாராளுமன்றத்தில் எமக்குத் தீர்வு தனிநாடு என்றே குரலெழுப்பினார்.
  
  எம் தலைவர் வேலுப்பிள்ளை பிரபாகரன் அவர்களும் தமிழீழ விடுதலைப்புலிகளும் தமிழரின் உலகின் கருத்தினை எம்மால் ஈர்க்கின்ற முறையில் பொருள் பொதிந்த இணைப்பாட்சியில் விட்டுக்கொடுத்து தீர்வு காணஇசைவு தெரிவித்தனர். இதனை எமது பலவீனம் எனக்கருதி ஆட்சிக்கு வந்த ஒவ்வொரு சிங்கள அரசும் எம்மை ஏமாற்ற முனைவதனால் இனிமேல் எமக்கு இணைப்பாட்சியில் நம்பிக்கை இல்லை. எமக்குத் தரப்படுவது காலம் கடந்து தரப்படுகிறது. தரப்படுவதோ மிகக் குறைவு. சிங்கள அரசு கூறுபவற்றை நாம் முற்றாக நிராகரிக்கிறோம். இதனை ஆங்கிலத்தில் ஙிடச்œ டிண் ஞஞுடிணஞ் ணிஞூஞூஞுணூஞுஞீ டிண் œணிணி டூடிœœடூஞு ச்ணஞீ œணிணி டூச்œஞு எனக் கூறலாம். எனவே இந்தியத் துணைக்கண்டம் ஈழத்தமிழ் மக்களுக்கு உதவ விரும்பின், நாட்டிலே உண்மையான அமைதி ஏற்பட வேண்டின் ஈழத்தமிழர் தமக்கொரு நாட்டினை அமைத்துத் தன்மானத்தோடும் தற்பாதுகாப்போடும் வாழ்வதற்கு உதவ வேண்டும். நாம் தோற்றுவிக்கின்ற தமிழீழம், பாரதத் தாயை அரவணைத்துத்தான் செயற்படும் என்ற உத்தரவாதத்தை மட்டும் இந்தியத் துணைக் கண்டத்திற்கு நாம் பணிவோடு அறியத் தருகின்றோம்.
  
  thinakural.com

  By  Anonymous, at Saturday, December 31, 2005 7:30:00 AM  




• எழுதிக்கொள்வது: muthu
  
  இதை விவாத பொருளாக்கினால் என்ன தப்பு? அப்புறம் எப்படி தமிழ் எதிரிகளை இனம் கண்டுகொள்வது?
  
  
  கொடுமை என்னவென்றால் இதை முழுதாகக்கூட படிக்காமல் இதை கிண்டலடித்து பதிவுகள் வரும் என்பது தான்.
  
  31.12.2005 அன்று 4.19 (UTC)மணிக்கு பதிவுசெய்யப்பட்டது.

  By  Anonymous, at Saturday, December 31, 2005 9:15:00 AM  




• எழுதிக்கொள்வது: தமிழ்வாணன்
  
  அன்பின் முத்து,
  
  எங்களது மண்ணை பற்றி, மக்களை பற்றி அக்கறை கொள்வதற்கு பக்கத்து நாட்டில் எமது உறவுகள் இருக்கின்றன என்று எண்ணும்போது எவ்வளவு ஆறுதலடைகிறோம். அதற்காக அவர்களும் சிந்திய வேர்வையும், சிறையிலே கழித்த நாட்களையும் யாராலும் திருப்பிக்கொடுக்க முடியுமா?
  
  தமிழர்களே ஒன்றுபடுங்கள் என அவர்கள் குரல்கொடுப்பதை விவாதமாக்கி, பகுப்பாய்வு செய்து கருத்துக்களால் மோதுப்பட்டு நாங்களே இரு கூறாய் உடைவதில் என்ன பயன் இருக்கிறது.
  
  எனவேதான் அவ்வாறான விவாதங்கள் மூலம் அவர்களுடைய நல்ல நோக்கத்தை கொச்சைப்படுத்தவேண்டாம் என கூறியிருந்தேன்.
  
  அன்புடன்
  தமிழ்வாணன்
  
  31.12.2005 அன்று 5.55 (UTC)மணிக்கு பதிவுசெய்யப்பட்டது.

  By  Anonymous, at Saturday, December 31, 2005 11:13:00 AM  




• எழுதிக்கொள்வது: தமிழ்வாணன்
  
  தங்கள் கருத்துக்களை பகிர்ந்துகொண்ட
  கார்த்திகாமஸ்
  தமிழன்
  பிருந்தன்
  அனாமி
  முத்து
  ஆகியோருக்கு நன்றிகள்.
  
  அன்புடன்
  தமிழ்வாணன்
  
  1.1.2006 அன்று 6.41 (UTC)மணிக்கு பதிவுசெய்யப்பட்டது.

  By  Anonymous, at Sunday, January 01, 2006 11:45:00 AM  




• எழுதிக்கொள்வது: இளந்திரையன்
  
  தமிழக மக்களின் மனங்களில் உண்மை புரிவதனால் ஏற்படுகின்ற மனமாற்றத்தை முழு இந்திய மக்களுக்குமான தெளிவை ஏற்படுத்த தமிழ அரசியல்வாதிகள் பயன்படுத்திக் கொள்ளவேண்டும். இந்தியாவின் உண்மையான நண்பர்களும் பாதுகாப்பும் யார் என்பதை இந்திய கொள்கை வகுப்பாளர்கள் சீர்தூக்கிப் பார்க்க வேண்டும்.
  
  5.1.2006 அன்று 3.26 (UTC)மணிக்கு பதிவுசெய்யப்பட்டது.

  By  Anonymous, at Thursday, January 05, 2006 8:34:00 AM  

Post a Comment

<< Home